Voici le texte 2 !

Aller en bas

Voici le texte 2 !

Message  sido le Mer 3 Nov - 15:16

Tum, ad uxorem versus, per memoriam sui, per communes liberos oravit exueret ferociam, saevienti fortunae submitteret animum, neu regressa in urbem aemulatione potentiae validiores irritaret. Haec palam, et alia secreto, per quae ostendisse credebatur metum ex Tiberio. Neque multo post extinguitur, ingenti luctu provinciae et circumjacentium populorum. Indoluere exterae nationes regesque : tanta illi comitas in socios, mansuetudo in hostes ; visuque et auditu juxta venerabilis, cum magnitudinem et gravitatem summae fortunae retineret, invidiam et adrogantiam effugerat.
Funus sine imaginibus et pompa per laudes ac memoriam virtutum ejus celebre fuit. Et erant qui formam, aetatem, genus mortis ob propinquitatem etiam locorum in quibus interrit, magni Alexandri fatis adaequarent. Nam utrumque corpore decore, genere insigni, haud multum tringinta annos egressum, suorum insidiis externas inter gentes occidisse : sed hunc mitem erga amicos, modicum voluptatem, uno matrimonio, certis liberis egisse, neque minus proeliatorem, etiam si temeritas afuerit praepeditusque sit perculsas tot victoriis germanias servitio premere. Quod si solus arbiter rerum, si jure et nomine regio fuisset, tanto promtius adsecuturum gloriam militiae quantum clementia, temperentia, ceteris bonis artibus praestitisset. Corpus, antequam cremaretur, nudatum in foro Antiochensium, qui locus sepulturae destinabatur. Praetuleritne veneficii signa parum constitit.
avatar
sido

Messages : 39
Date d'inscription : 13/10/2010

Voir le profil de l'utilisateur

Revenir en haut Aller en bas

Revenir en haut

- Sujets similaires

 
Permission de ce forum:
Vous ne pouvez pas répondre aux sujets dans ce forum