Latin : Texte 6

Quid de rerum natura querimus ? Illa se benigne gessit : vita, si uti scias, longa est. Sed alium insatiabilis tenet avaritia ; alium in supervacuis laboribus operosa sedulitas ; alius vino madet, alius interia torpet ; alium defetigat ex alienis judiciis suspens semper ambitio, alium mercandi praeceps cupiditas circa omnes terras, omnia maria spe lucri duci ; quosdam torquet cupido militiae numquam non aut alienis periculis intentos aut suis anxios ; sunt quos ingratus superiorum cultus voluntaria servitute consumat ; multos aut adfectatio alienae formae aut suae curae detinuit ; plerosque nihil certum sequentes vaga et inconstans et sibi displicens levitas per nova consilia jactavit ; quibusdam nihil quo cursum derigant placet, sed marcentes oscitantesque fata deprendunt adeo ut quod apud maximum poetarum more oraculi dictum est verum esse non dubitem : « Exigua pars est vitae qua vivimus. » Ceterum quidem omne spatium non vita sed tempus est. Urgent et circumstant vitia undique nec resurgere aut in dispectum veri attollere oculos sinunt. Et mersos et in cupiditatem infixos premunt, numquam illis recurrere ad se licet. Si quando aliqua forfuito quies contigit, velut profundo mari, in quo post ventum quoque volutatio est, fluctuantur nec umquam illis a cupiditatibus suis otium stat.

Hiha !!! Je croise les doigts qu'il n'y ait pas trop de fautes, mais voila en tout cas les 3 derniers textes de latin ! Quelqu'un sait le nombre final que l'on aura à présenter au bac ?